student pradeepa wrote a letter before suicideநீட் தேர்வில் தோல்வியடைந்ததால் மனமுடைந்து, தற்கொலை செய்து கொண்ட மாணவி பிரதீபா, 2018-ஆம் ஆண்டு நீட் தேர்வில் வினாக்கள் தவறாக மொழி பெயர்க்கப்பட்டு இருப்பதால், அதற்கு மதிப்பெண் கள் கேட்டு விண்ணப்பிப்பதற்காக எழுதிய கடிதம் தற்போது வெளியாகியுள்ளது.
தமிழகத்தில் நீட் தேர்வு முடிவில் வெற்றி பெற முடியாமல் போனதால் விழுப்புரம் மாவட்டத்தைச் சேர்ந்த பிரதீபா என்ற மாணவி தற்கொலை செய்துகொண்டிருப்பது மாநிலம் முழுவதும் மிகப்பெரும் அதிர்ச்சியையும், சோகத்தையும் ஏற்படுத்தியுள்ளது.
கூலித் தொழிலாளியின் மகளான பிரதீபா 12 ஆம் வகுப்பில் 1,125 மதிப்பெண்கள் எடுத்துள்ளார். கடந்த ஆண்டு நீட் தேர்வில் 155 மதிப்பெண்கள் எடுத்த பிரதீபாவுக்கு தனியார் மருத்துவக்கல்லூரியில் தான் சேருவதற்கான வாய்ப்பு கிடைத்துள்ளது. தனியார் கல்லூரியில் சேரும் அளவிற்கு தனது பெற்றோர்களிடம் பணம் இல்லாத காரணத்தால் அப்போது மருத்து படிப்பில் சேரவில்லை.
தற்கொலைக்கு முன் மாணவி பிரதீபா கைப்பட எழுதிய கடிதம் வெளியீடு!
ஆனால் தனது மருத்துவ கனவை நிறைவேற்றுவதற்காக நீட் தேர்வுக்கான வகுப்புகளுக்கு சென்று இந்த ஆண்டு நீட் தேர்வை எழுதியுள்ளார். இந்நிலையில் நேற்று, வந்த நீட் தேர்வு முடிவில் அவர் 39 மதிப்பெண்கள் மட்டுமே பெற முடிந்தது. அந்த விரக்தியில் மனமுடைந்த அவர் நேற்று இரவு தற்கொலை செய்துகொண்டார். நீட் தேர்வு தோல்வியால் மாணவி பிரதீபா தற்கொலை செய்து கொண்ட சம்பவம் தமிழகம் முழுவதும் பெரும் அதிர்ச்சியை ஏற்படுத்தியுள்ளது.
இந்த நிலையில் தற்கொலைக்கு முன் பிரதீபா மதிப்பெண் கேட்டு விண்ணப்பிப்பதற்காக எழுதிய கடிதம் தற்போது வெளியாகி உள்ளது. அந்த கடிதத்தில் “ நான் 2018 மே 6-ம் தேதி தமிழ் மொழியில் நீட் தேர்வு எழுதிய மாணவர். தமிழ் மொழியில் வினாக்கள் தவறாக மொழிபெயர்க்கப்பட்டு கேட்கப்பட்டிருந்ததால் அந்த வினாக்களுக்கு உரிய மதிப்பெண்களை வழங்குமாறு பணிவுடன் கேட்டுக்கொள்கிறேன்” என்று மாணவி பிரதீபா எழுதியுள்ளார்.
மாணவி பிரதீபாவின் மரணம் பலதரப்பட்ட மக்களையும், பாதித்திருக்கும் நிலையில், இந்த கடிதம் தற்போது வெளியாகியுள்ளது நீட் தேர்வு குறித்த ஆயிரகணக்கான கேள்விகளை எழுப்பியுள்ளது.

Please follow and like us:

Leave a Reply

  • (not be published)