odisha boy carries dead mother on bicycle after villagers refuse to help because of casteஒடிசா மாநிலத்தில் மிகவும் பிற்படுத்தப்பட்ட வகுப்பைச் சோ்ந்தவா் என்ற ஒரே காரணத்தால் இறுதிச் சடங்குக்கு யாரும் வராத நிலையில் பெற்ற தாயின் உடலை அவரது மகனே தனி நபராக கொண்டு சென்று அடக்கம் செய்த சம்பவம் நடைபெற்றுள்ளது.
ஒடிசா மாநிலம் சுண்டா்கா் மாவட்டம், கா்பாகல் கிராமத்தைச் சோ்ந்தவா் ஜானகி சின்ஹானியா(வயது 45). இவரது கணவா் இறந்துவிட்ட நிலையில் தனது 17வயது மகன் மற்றும் மகளுடன் வாழ்ந்து வந்தாா். இந்நிலையில் இவா் நேற்று முன்தினம் வீட்டிற்கு அருகில் உள்ள தண்ணீா் குழாயில் தண்ணீர் பிடித்துக் கொண்டு இருந்த போது கால் தவறி கீழே விழுந்துள்ளாா். கீழே விழுந்த அதிா்ச்சியில் அவா் உயிாிழந்து விட்டாா்.
இதனைத் தொடா்ந்து இதற சடங்கு, சம்பிதாயங்களை செய்வதற்கு அவரது மகன் சரோஜ் முயன்றுள்ளாா். ஆனால் உயிாிழந்தவா் தாழ்ந்த ஜாதியை சோ்ந்தவா் என்பதால் அவருக்கு இறுதி சடங்கு செய்ய யாரும் முன்வரவில்லை. இதனால் மனமுடைந்த சரோஜ் தனி நபராக இறுதிச் சடங்குகளை செய்துள்ளாா்.
அதன் பின்னா் தனது தாயின் உடலை தனி நபராக சைக்கிளில் வைத்து 5 கி.மீ. தூரம் நடந்தே சென்றுள்ளாா். ஊருக்கு வெளியில் இருந்த காட்டுப் பகுதியில் சரோஜ், தாயின் உடலை அடக்கம் செய்துள்ளாா். இந்த சம்பவம் அப்பகுதியில் பெரும் அதிா்ச்சியை ஏற்படுத்தி உள்ளது.

Please follow and like us:

Leave a Reply

  • (not be published)