etihad airways pushes jet, lenders into a catch-22 situationநிதி நெருக்கடி பிரச்சனைக்கு தீர்வு காண்பதற்கான ஆலோசனை நடைபெற்று வருகிறது என்று ஜெட் ஏர்வேஸ் நிறுவனம் தெரிவித்துள்ளது.
இந்நிறுவனம், கடந்த மார்ச் 2018 முதல், தொடர்ந்து மூன்று காலாண்டுகளாக, தலா, 1,000 கோடி ரூபாய் இழப்பை சந்தித்து வருகிறது. விமானிகள், பணியாளர்கள் உள்ளிட்டோருக்கு ஊதிய நிலுவை வைத்துள்ளது. இதையடுத்து, ஜெட் ஏர்வேஸ் நிறுவனரும், அதன் தலைவருமான, நரேஷ் கோயல், தன் வசமுள்ள, 51 சதவீத பங்குகளில், 25 சதவீதத்தை, எதியாட் ஏர்லைன்ஸ் நிறுவனத்திற்கு விற்க உள்ளதாக தகவல் வெளியானது. அத்துடன், தலைவர் பொறுப்பில் இருந்தும் நரேஷ் கோயல் விலகுவார் என, கூறப்பட்டது.
இதுதொடர்பாக எதியாட் ஏர்லைன்ஸ் நிறுவனர் டோனி டக்லஸ்வுடன் நடைபெற்ற பேச்சு வார்த்தை சிக்கலில் முடிந்துள்ளது. எதியாட் ஏர்லைன்ஸ் நிறுவனம் பங்குகளுக்கு ரூ 140 மட்டுமே தருவதாக கூறியதால் ஜெட் ஏர்வேஸ் நிறுவனம் மீண்டும் சிக்கலில் தள்ளப்பட்டுள்ளது.
இந்நிலையில், ஜெட் ஏர்வேஸ் நிறுவனம் நேற்று வெளியிட்ட அறிக்கையில், ''ஜெட் ஏர்வேஸ் நிதி நெருக்கடிக்கு தீர்வு காண்பது தொடர்பாக, ஸ்டேட் பேங்க் ஆப் இந்தியா தலைமையிலான வங்கி குழு, இதர கடன்தாரர்கள் மற்றும் பங்கு முதலீட்டாளர்கள் இடையே ஆலோசனை நடைபெற்று வருகிறது.
நிறுவனத்தில், பிற நிறுவனங்கள் மூலம் மேற்கொண்டு பங்கு முதலீடு செய்வது, இயக்குனர் குழுவை மாற்றி அமைப்பது, சிக்கனத்தை கடைப்பிடித்து கடன்களை குறைப்பது, சொத்துக்களை விற்பனை செய்வது உள்ளிட்ட நடவடிக்கைகள் குறித்து, விவாதிக்கப்படுகிறது. கூடிய விரைவில், ஜெட் ஏர்வேஸ் நிறுவனம் நிதி நெருக்கடியில் இருந்து மீண்டு வரும்’’ என்று கூறப்பட்டுள்ளது.

Please follow and like us:

Leave a Reply

  • (not be published)